Ազատություն

Արդյոք գոյություն ունի իրական ազատություն: Արդյոք անսահման է ազատությունը, թե ունի կոնկրետ սահմաններ և սահմանում: Սրանք այն հարցերն են, որոնք մշտապես ուղեկցում են մարդկանց և երբեք չեն ստանում հստակ պատասխաններ:

Լիարժեք ազատություն իհարկե գոյութուն չունի: Մենք անկախ մեր կամքից ամենուր ենթարկվում ենք սահմանափակումների: Յուրաքանչյուր անհատ, ընտանիք, ազգ ունի իրեն հատուկ կանոններ և սովորույթներ, և մենք ակամայից ենթարկվում ենք այդ կանոններին: Հաճախ մեր սեփական բարոյականությունը և ներքին ձայնն  են մեզ սահմանափակում: Մենք գրեթե երբեք ազատ չենք արտահայտում մեր կարծիքը և ազատ վարքագիծ չենք դրսևորում՝ելնելով քաղաքավարության կանոններից:
Մյուս կողմից ազատության ձգտելով մարդիկ հաճախ ընկնում են ծայրահեղություննի մեջ: Փորձում են ազատվել որոշ  կանոններից, որոնք ի սկզբանե սահմանված են եղել և ենթակա չեն փոփոխության: Ամեն դեպքում կան սահմաններ, որոնք պետք չէ անցնել՝<<ազատության>> շողքի տակ:
Իմ կարծիքով, յուրաքանչյուր մարդու ազատությունը սեփական մտքի և երևակայությանն սահմաններն են: Պետք չէ ազատություն փնտրել շրջապատող աշխարհում և անիմաստ պայքարել արտաքին աշխարհի կանոնների  դեմ: Մենք պետք է ձգտենք ներքին ազատության, ազատվենք ներքին բարդութներից և սահմանափակումներից, ազատություն տանք մեր երևակայությանը և մտքերին...


Մի քանի մեջբերում ազատության մասին.
• Ազատ է միայն նա, ով տիրապետում է իրեն:
Ֆրիդրիխ Շիլլեր

• Ազատություն նշանակում է պատասխանատվություն, ահա’ ինչու շատերը վախենում են նրանից:
Բերնարդ Շոու

• Ոչխարն ու գայլր տարբեր կերպ են հասկանում «ազատություն» բառր: Դա է մարդկային հասարակության մեջ իշխող տարաձայնությունների էությունը:
Աբրահամ Լինկոլն

• Բացարձակ ազատություն կա միայն հիմարների մոտ:
Ալեքսանդր Մյասնիկյան